DRAGONBOAT V DragoLases del 08/07/2007
Dopo en sabo da salti mortai, e finì pitost su de giri e sul tardi col Matteo & company alla notte bianca de Perzen, levo alle 8 en Pinè e dopo na colaziom al prim bar che trovo a Baselga, me fiondo co la moto, al lac de Lases. Arrivo lì vers le 8 e 1/2: i gazebi i è za montai, le prime squadre le è za drio a scaldarse. La nosa batteria l'è col Caldonaz alle 10 e 1/4: g'ho el temp de seràr i oci ancor n'atimo sul sugaman, vist che accuso le ore piccole dela not....
Alle 9 e 1/2, ariva anca l Luca e la Barbara coi boci: adess ghe sem tuti, podem scominziar a scaldarne. Purtroppo la tamburina no l'aven trovada, così ne tocherà contentarne del Daniele co le tette finte: e chissà che forse, se el ne ziga per ben da catif el riesa a farne tirar anca pù acqua (mah!)! Per i oci, beh, sto colp i se contenterà de vardar le tamburine delle altre squadre... Gh'è da nar: nem for en acqua a scaldarne e sto colp enveze che el Giorgio de drio i m'ha mess la Barbara: diaolopò.... no la sa ancor quanta acqua endoss che ghe speta! Fat el controllo barca dai giudici e 5 minuti de riscaldamento for dal campo gara, l'è el nos turno, i ne ciama al pedalò centro lago per torne el drago per la coa e prepararne a partir. El Caldonazz, nos dirett avversari el parte en direziom Lases, noi vers S.Mauro....forse la nosa direziom l'è pù comoda tra che la curva l'è sul finale e lì ghè anca el pubblico che incita... forse... via! Partenza, passo, curva... ripartenza, e de ritmo ne alzem massa.... sol che a ciamar "cala!", enveze che calar el ritmo cala sol la velocità. Arrivem al traguardo, dopo l'ultima curva, col fià tirà for dai modi. Che fadiga... avèm sbaglià el passo. Postà la barca, quando sentim el nos temp sui 4:24 come penultima posiziom no sem miga massa contenti.... Me buto zo n'altra mezz'ora a serar i oci, po' a mezdi toca ancor a noi. Su 14 equipaggi, co la somma delle 2 manches, va en semifinale i primi quattro.... la veden ben dura, ma l'importante l'è far na bona pagaiada... zo de nof, e sto colp me se mette drio el capitan (diaolopò se el nego de acqua el me tira le recie! g'ho da star attento!). Sto colp gh'è pù aria, e partim (svantaggiai ?) vers Lases... VIA! Passà for subit la prima curva, ciapém en bon tempo, la barca se la sente nar, e tra el Daniele che el ne ziga a tutti de tirar su la testa, e l capitano che el me ziga drio a mi de tegnir la pagaia pù dritta, arrivem en font che ne par de aver fat na bona gara: ne par... En realtà avem addirittura peggiorà el temp della prima manche con 4:30, diaolopò. Mah! E tutti erem convinti de esser nai bem. Vabbè... confermada la penultima posiziom drio el DragonStone e davanti al Trento Urbe, ne trem sotto el tendom per en bom piatt de pasta e 2 bone birette. Le prime.... po' aspettando le finali, de birra en va zo ben de pù... mi som ancor pitost strac: zerco ben de star en disparte a polsar, ma tra gavettoni e legnae zo per la schena, l'è dura serar ocio... e allora se ghe da contro co n'altra bionda. Le finali l'è propri da strapaz: i giri da far i è doi e... che aria che s'ha levà! Alla fin vinze meritatamente el Cà Rossa. E così tirà su la barca dal lac, podém nar a ritirar el nos premio sul palco.... na cassa de Muller Thurgau! E adess, anca se l Dado, l'Elisa, l Giorgio e tutti i altri i va a darghe contro con qualche bel cocktail dalla Moira.... mi salto sulla moto e me fiondo dirèt a polsar a Trembelem.
L tamburin co le tette finte al collaudo... ma perche' quando enveze gh'e' le tamburine, el collaudo no sel fa mai?? ;) |
|
|
El Kepo, keppotta' per la nottataccia el sconde l strac co i ociai da sol. LEVA KEPO!!!!! |
La squadra prima della prima manche.... ancor tutti gasai per la gara. |
|
|
Se mette la barca en acqua... |
Se passa dal controllo giudici e.... |
|
|
Via! Qi sem alla piattaforma de partenza contro el Caldonaz (sulla barca del Pinè) |
Se saluda el pubblico dopo la prestaziom... meio riderghe sora! La festa la fem istess!
|
|
Ste pagine l'e' stae cargade volte da visitatori dal 3 de agost 2005